|
|
ac yn dewis Israel unwaith eto.
Bydd yn eu gosod nhw yn eu tir eu hunain,
a bydd ffoaduriaid yn ymuno gyda nhw
ac yn uniaethu gyda phobl Jacob.
2 Bydd pobloedd eraill yn eu harwain yn ôl i'w mamwlad.
Bydd pobl Jacob yn rhannu tir yr
ARGLWYDD rhyngddyn nhw,i'w drin gan eu gweision a'u morynion.
Byddan nhw'n caethiwo'r rhai wnaeth eu caethiwo nhw,
ac yn feistri ar y rhai wnaeth eu gorthrymu nhw.
“Ble mae'r gormeswr wedi diflannu?
Mae ei falchder wedi dod i ben!
ARGLWYDD wedi torri ffon y rhai drwg,a gwialen y gormeswyr.
6 Roedd yn ddig ac yn taro cenhedloedd
yn ddi-stop.
Roedd yn sathru pobloedd yn ddidrugaredd
a'u herlid yn ddi-baid.
7 Bellach mae'r ddaear yn dawel a digyffro,
ac mae'r bobl yn canu'n llawen.
8 Mae hyd yn oed y coed pinwydd yn hapus,
a'r coed cedrwydd yn Libanus yn canu:
‘Ers i ti gael dy fwrw i lawr,
dydy'r torrwr coed ddim yn dod yn ein herbyn ni!’
9 Mae byd y meirw isod mewn cyffro,
yn barod i dy groesawu di –
bydd y meirw'n deffro, sef arweinwyr y byd,
a bydd brenhinoedd gwledydd y ddaear
yn codi oddi ar eu gorseddau.
10 Byddan nhw i gyd yn dy gyfarch di,
‘Felly, ti hyd yn oed – rwyt tithau'n wan fel ni!
11 Mae dy holl rwysg a sain cerdd dy liwtiau
wedi eu tynnu i lawr i Annwn! Ref
Bydd y cynrhon yn wely oddi tanat
a phryfed genwair yn flanced drosot ti!
Rwyt ti, seren ddisglair, mab y wawr,
wedi syrthio o'r nefoedd!
Ti wedi dy dorri i lawr i'r ddaear –
ti oedd yn sathru'r holl wledydd!
13 Roeddet ti'n meddwl i ti dy hun,
“Dw i'n mynd i ddringo i'r nefoedd,
a gosod fy ngorsedd yn uwch na sêr Duw.
Dw i'n mynd i eistedd ar fynydd y gynulleidfa
yn y gogledd pell. Ref
14 Dw i'n mynd i ddringo ar gefn y cymylau,
a gwneud fy hun fel y Duw Goruchaf.”
rwyt wedi dod i lawr i fyd y meirw,
i'r lle dyfnaf yn y Pwll!
16 Mae pobl yn dy weld ac yn syllu arnat, ac yn pendroni:
“Ai hwn ydy'r dyn wnaeth i'r ddaear grynu,
a dychryn teyrnasoedd?
17 Ai fe ydy'r un drodd y byd yn anialwch,
a dinistrio'i ddinasoedd –
heb fyth ryddhau ei garcharorion i fynd adre?”’
18 Mae brenhinoedd y gwledydd i gyd – pob un ohonyn nhw –
yn gorwedd yn grand yn eu beddau eu hunain.
19 Ond ti? – Cest ti dy adael heb dy gladdu,
yn ffiaidd, fel ffetws wedi'i erthylu.
Fel corff marw yn y dillad a wisgai
pan gafodd ei drywanu â'r cleddyf.
Fel y rhai sy'n syrthio i waelod y pwll,
neu gorff yn cael ei sathru dan draed.
20 Gei di ddim angladd fel brenhinoedd eraill,
am dy fod ti wedi dinistrio dy wlad dy hun
a lladd dy bobl dy hun.
Boed i neb fyth eto gofio'r
fath hil o bobl ddrwg!
21 Paratowch floc i ddienyddio'i feibion
o achos drygioni eu tad.
Peidiwch gadael iddyn nhw godi i feddiannu'r tir
a llenwi'r byd gyda'i dinasoedd!”
“Bydda i'n codi yn eu herbyn nhw.
Bydda i'n dileu pob enw o Babilon,
a lladd phawb sy'n dal ar ôl yno,
eu plant a'u disgynyddion i gyd.
23 Bydda i'n llenwi'r wlad â draenogod
a'i throi'n gors o byllau dŵr mwdlyd.
Bydda i'n ei hysgubo i ffwrdd hefo brwsh dinistr.”
—yr
ARGLWYDD hollbwerus sy'n dweud hyn.“Bydd popeth yn digwydd yn union fel dwedais i;
bydd fy nghynlluniau'n dod yn wir.Croes
25 Bydda i'n dryllio grym Asyria yn fy nhir,
ac yn ei sathru ar fy mryniau.
Bydd ei hiau yn cael ei thynnu oddi ar fy mhobl,
a'r baich trwm yn disgyn oddi ar eu cefnau.
ar gyfer y ddaear gyfan.
Dyna pam mae fy llaw yn barod
i ddelio gyda'r cenhedloedd i gyd.”
ARGLWYDD hollbwerus gynllun –pwy sy'n mynd i'w rwystro?
Mae ei law yn barod i weithredu –
pwy sy'n mynd i'w ddal yn ôl?
29 Peidiwch dathlu, chi'r Philistiaid i gyd,
am fod y ffon fuodd yn eich curo chi wedi'i thorri.
O wreiddyn y neidr bydd gwiber yn codi,
gwiber wibiog fydd ei ffrwyth.Croes
30 Bydd y tlotaf o'r tlawd yn cael pori,
a'r rhai anghenus yn gorwedd yn ddiogel.
Ond bydda i'n defnyddio newyn i ddinistrio dy wreiddyn,
a bydd yn lladd pawb sydd ar ôl.
31 Udwch wrth y giatiau a sgrechian yn y ddinas;
mae Philistia i gyd mewn dychryn!
Achos mae cwmwl yn dod o'r gogledd,
a does neb yn ei rengoedd yn llusgo'i draed.
32 Beth ydy'r ateb i negeswyr y genedl?
Fod yr
ARGLWYDD wedi gwneud Seion yn saff,a bod lloches yno i'w bobl anghenus.
Hawlfraint © Gobaith i Gymru 2024, ar ran y Golygydd (golygydd@beibl.net) Elusen Gofrestredig Rhif: 1078107 Diogelir pob hawl.
Mae'r project yn cael ei noddi eleni gan roddion gwirfoddol unigolion ac eglwysi,
Dylunio gan Mike Leach Creative. Gwesteir gan Zanity