|
|
Hafan
Hen Destament
- Genesis
- Exodus
- Lefiticus
- Numeri
- Deuteronomium
- Josua
- Barnwyr
- Ruth
- 1 Samuel
- 2 Samuel
- 1 Brenhinoedd
- 2 Brenhinoedd
- 1 Cronicl
- 2 Cronicl
- Esra
- Nehemeia
- Esther
- Job
- Salmau
- Diarhebion
- Pregethwr
- Caniad Solomon
- Eseia
- Jeremeia
- Galarnad
- Eseciel
- Daniel
- Hosea
- Joel
- Amos
- Obadeia
- Jona
- Micha
- Nahum
- Habacuc
- Seffaneia
- Haggai
- Sechareia
- Malachi
Pennod 7
Pum gweledigaeth am gosbi Israel
Haid o Locustiaid
1 Dyma fy Meistr, yr ARGLWYDD, yn dangos hyn i mi: Roedd yn creu haid o locustiaid pan oedd y cnwd diweddar yn dechrau tyfu (y cnwd sy'n cael ei blannu ar ôl i'r brenin fedi'r cnwd cynta). 2 Roedden nhw'n mynd i ddinistrio'r planhigion i gyd, a dyma fi'n dweud, “O fy meistr, ARGLWYDD, plîs maddau! Sut all pobl Jacob oroesi? Maen nhw'n rhy wan.” 3 A dyma'r ARGLWYDD yn newid ei feddwl. “Fydd hyn ddim yn digwydd,” meddai'r ARGLWYDD.Tân
4 Dyma fy Meistr, yr ARGLWYDD, yn dangos hyn i mi: Roedd fy Meistr, yr ARGLWYDD, yn mynd i ddefnyddio tân i gosbi ei bobl. Roedd yn mynd i sychu'r dŵr sydd yn ddwfn dan y ddaear, a llosgi'r caeau i gyd. 5 Dyma fi'n dweud, “O fy meistr, ARGLWYDD, paid! Sut all pobl Jacob oroesi? Maen nhw'n rhy wan.” 6 Dyma'r ARGLWYDD yn newid ei feddwl. “Fydd hyn ddim yn digwydd chwaith,” meddai'r ARGLWYDD.Llinyn Plwm
7 Wedyn dyma fe'n dangos hyn i mi: Roedd yn sefyll ar ben wal wedi ei hadeiladu gyda llinyn plwm, ac yn dal llinyn plwm yn ei law. 8 Gofynnodd yr ARGLWYDD i mi, “Beth wyt ti'n weld, Amos?” Dyma finnau'n ateb, “Llinyn plwm”. A dyma fy meistr yn dweud, “Dw i'n mynd i ddefnyddio llinyn plwm i fesur fy mhobl Israel. Dw i ddim yn mynd i faddau iddyn nhw eto. 9 Bydd allorau paganaidd pobl Isaac yn cael eu chwalu, a chanolfannau addoli pobl Israel yn cael eu dinistrio'n llwyr. Dw i'n mynd i ymosod ar deulu brenhinol Jeroboam Ref hefo cleddyf.”Amaseia, prif-offeiriad Bethel, yn ymosod ar Amos
10 Roedd Amaseia, prif-offeiriad Bethel, wedi anfon y neges yma at Jeroboam, brenin Israel: “Mae Amos yn cynllwynio yn dy erbyn di, a hynny ar dir Israel. All y wlad ddim dioddef dim mwy o'r pethau mae e'n ei ddweud. 11 Achos mae e'n dweud pethau fel hyn: ‘Bydd Jeroboam yn cael ei ladd mewn rhyfel, a bydd pobl Israel yn cael eu cymryd i ffwrdd o'u gwlad yn gaethion.’” 12 Roedd Amaseia hefyd wedi dweud wrth Amos, “Byddai'n well i ti fynd o ma, ti a dy weledigaethau! Dianc yn ôl i wlad Jwda! Dos i ennill dy fywoliaeth yno, a phroffwyda yno! 13 Paid byth proffwydo yn Bethel eto, achos dyma lle mae'r brenin yn addoli, yn y cysegr brenhinol.” 14 Dyma Amos yn ateb Amaseia: “Dw i ddim yn broffwyd proffesiynol, nac yn perthyn i urdd o broffwydi. Bridio anifeiliaid a thyfu coed ffigys oeddwn i'n ei wneud. 15 Ond dyma'r ARGLWYDD yn fy nghymryd i ffwrdd o ffermio defaid, ac yn dweud wrtho i, ‘Dos i broffwydo i'm pobl Israel.’ 16 Felly, gwrando, dyma neges yr ARGLWYDD. Ti'n dweud wrtho i am stopio proffwydo i bobl Israel a phregethu i bobl Isaac. 17 Ond dyma mae'r ARGLWYDD yn ei ddweud:‘Bydd dy wraig di yn gwerthu ei chorff fel putain yn y strydoedd,
a bydd dy feibion a dy ferched yn cael eu lladd gan y cleddyf.
Bydd dy dir di'n cael ei rannu i eraill,
a byddi di'n marw mewn gwlad estron.
Achos bydd Israel yn cael ei chymryd i ffwrdd yn gaeth o'i thir.’”
Hawlfraint © Gobaith i Gymru 2025, ar ran y Golygydd (golygydd@beibl.net) Elusen Gofrestredig Rhif: 1078107 Diogelir pob hawl.
Mae'r project yn cael ei noddi eleni gan roddion gwirfoddol unigolion ac eglwysi,
Dylunio gan Mike Leach Creative. Gwesteir gan Zanity