Exodus

EXODUS 20

Y Deg Gorchymyn

(Deuteronomium 5:6-21)

² “Fi ydy'r ARGLWYDD, eich Duw chi.

Fi wnaeth eich achub chi o wlad yr Aifft,

lle roeddech chi'n gaethweision.

³ Does dim duwiau eraill i fod gen ti, dim ond fi.

⁴ Paid cerfio eilun i'w addoli –

dim byd sy'n edrych fel unrhyw aderyn, anifail na physgodyn.

⁵ Paid plygu i lawr a'u haddoli nhw.

Dw i, yr ARGLWYDD dy Dduw di, yn Dduw eiddigeddus.

Dw i'n cosbi pechodau'r rhieni sy'n fy nghasáu i,

ac mae'r canlyniadau'n gadael eu hôl ar y plant am dair i bedair cenhedlaeth.

⁶ Ond dw i'n dangos cariad di-droi'n-ôl am fil o genedlaethau

at y rhai sy'n fy ngharu i ac yn gwneud beth dw i'n ddweud.

⁷ Paid camddefnyddio enw'r ARGLWYDD dy Dduw.

Fydda i ddim yn gadael i rywun sy'n camddefnyddio fy enw ddianc rhag cael ei gosbi.

⁸ Cofia gadw'r dydd Saboth yn sbesial.

Mae'n ddiwrnod cysegredig, gwahanol i'r lleill.

⁹ Gelli weithio ar y chwe diwrnod arall, a gwneud popeth sydd angen ei wneud.

¹⁰ Mae'r seithfed diwrnod i'w gadw yn Saboth i'r ARGLWYDD.

Does neb i fod i weithio ar y diwrnod yma –

ti na dy feibion a dy ferched, dy weision na dy forynion chwaith;

dim hyd yn oed dy anifeiliaid nac unrhyw fewnfudwr sy'n aros gyda ti.

¹¹ Mewn chwe diwrnod roedd yr ARGLWYDD wedi creu y bydysawd,

y ddaear, y môr a phopeth sydd ynddyn nhw;

wedyn dyma fe'n gorffwys ar y seithfed diwrnod.

Dyna pam wnaeth Duw fendithio'r dydd Saboth,

a'i osod ar wahân, yn ddiwrnod wedi'i gysegru.

¹² Rhaid i ti barchu dy dad a dy fam,

a byddi'n byw yn hir yn y wlad mae'r ARGLWYDD dy Dduw yn ei rhoi i ti.

¹³ Paid llofruddio.

¹⁴ Paid godinebu. ^Ref

¹⁵ Paid dwyn.

¹⁶ Paid rhoi tystiolaeth ffals yn erbyn rhywun.

¹⁷ Paid chwennych ^Ref tŷ rhywun arall.

Paid chwennych ei wraig, na'i was, na'i forwyn, na'i darw, na'i asyn,

na dim byd sydd gan rywun arall.”

Yr angen am ganolwr

(Deuteronomium 5:22-33)

Sgrôl yr Ymrwymiad

I'r pen