Hosea

HOSEA 10

Gwrthod Addoliad Israel

¹ Roedd Israel fel gwinwydden iach

a'i ffrwyth yn drwm ar ei changhennau.

Ond po fwya o ffrwyth gafwyd,

mwya o allorau a godwyd.

Wrth i gnydau'r tir lwyddo

byddai'r colofnau cysegredig yn cael eu haddurno.

² Maen nhw'n rhagrithio,

felly byddan nhw'n cael eu cosbi.

Bydd yr ARGLWYDD ei hun

yn chwalu'r allorau

ac yn malu'r colofnau.

³ Yn fuan iawn byddan nhw'n cyfaddef,

“Does dim brenin am ein bod heb barchu'r ARGLWYDD.

Ond beth wnaeth brenin i ni beth bynnag?”

⁴ Maen nhw'n llawn geiriau gwag,

addewidion wedi'u torri,

a chytundebau diwerth.

Mae achosion llys yn lledu

fel chwyn gwenwynig mewn cae wedi'i aredig.

⁵ Bydd pobl Samaria yn ofni

beth ddigwydd i lo Beth-afen. ^Ref

Bydd y bobl yn galaru

gyda'r offeiriaid ffals a fu'n dathlu,

am fod ei ysblander wedi'i gipio,

⁶ a'i gario i Asyria

yn anrheg i'r brenin mawr.

Anufudd-dod a chosb Israel

Bydd Effraim ^Ref yn destun sbort,

ac Israel yn cywilyddio o achos yr eilun o bren.

⁷ Bydd Samaria'n cael ei dinistrio,

a'i brenin yn cael ei gipio

fel brigyn yn cael ei gario ar lif afon.

⁸ Bydd yr allorau paganaidd yn cael eu dinistrio –

sef y lleoedd lle bu Israel yn pechu.

Bydd drain ac ysgall yn tyfu dros yr allorau.

Byddan nhw'n dweud wrth y mynyddoedd, “Cuddiwch ni!”

ac wrth y bryniau, “Syrthiwch arnon ni!”^Croes

Yr ARGLWYDD yn cyhoeddi barn ar Israel

¹¹ Roedd Effraim fel heffer wedi'i hyfforddi,

ac wrth ei bodd yn sathru'r grawn.

Ond dw i'n mynd i roi iau trwm ar ei gwddf,

a gêr i wneud i Effraim aredig.

Bydd rhaid i Jwda aredig

a Jacob lyfnu'r tir ei hun!

¹² Heuwch hadau cyfiawnder,

a chewch gynhaeaf o gariad gen i.

Trin tir eich calon galed^Croes –

ceisio'r ARGLWYDD nes iddo ddod

gyda chawodydd achubiaeth.

¹³ Ond rwyt wedi plannu drygioni,

a medi anghyfiawnder,

ac yna bwyta ffrwyth y twyll.

Ti wedi dibynnu ar gerbydau rhyfel,

a phwyso ar faint dy fyddin.

¹⁴ Felly daw sŵn brwydro ar dy bobl,

a bydd dy gaerau i gyd yn syrthio.

I'r pen