Hosea

HOSEA 9

Addoliad paganaidd Israel

¹ O Israel, stopia ddathlu

a gweiddi'n llawen fel y paganiaid;

ti wedi bod yn anffyddlon i dy Dduw.

Ti'n hoffi derbyn cyflog putain

wrth ‛addoli‛ ar bob llawr dyrnu!

² Fydd dy gynhaeaf ŷd ddim digon i fwydo dy bobl,

a bydd y grawnwin o'r gwinllannoedd yn dy siomi.

Y gaethglud yn gwrthdroi'r exodus

³ Fyddan nhw ddim yn aros ar dir yr ARGLWYDD.

Bydd Effraim ^Ref yn mynd yn ôl i'r Aifft,

ac yn bwyta bwyd aflan ^Ref yn Asyria.

⁴ Fyddan nhw ddim yn gallu tywallt gwin i'r ARGLWYDD,

nac offrymu aberthau iddo.

Bydd yr aberthau'n aflan,

fel bwyd pobl sy'n galaru;

bydd pawb sy'n ei fwyta'n cael eu llygru.

Bydd eu bwyd i'w boliau'n unig;

fydd e ddim yn mynd yn agos i deml yr ARGLWYDD.

⁵ Felly, beth wnewch chi ar Ddydd Gŵyl –

sut fyddwch chi'n dathlu Gwyliau'r ARGLWYDD? ^Ref

⁶ Hyd yn oed os byddan nhw'n dianc o'r dinistr,

bydd yr Aifft yn cael gafael ynddyn nhw,

a Memffis ^Ref yn eu claddu nhw.

Bydd chwyn yn chwennych eu trysorau

a mieri'n meddiannu eu tai.

⁷ Mae cyfnod y cosbi wedi cyrraedd!^Croes

Mae dydd y farn wedi dod!

Mae'n bryd i Israel wybod!

Israel yn gwrthod neges y proffwyd

“Mae'r proffwyd yn hurt!

Mae'r dyn ysbrydol yn wallgof!”

Ti wedi pechu gymaint,

ac mor llawn casineb!

⁸ Mae'r proffwyd yn wyliwr

dros Effraim ar ran Duw.

Ond mae trapiau'n cael eu gosod ar ei lwybrau;

a dim byd ond casineb ato yn nheml ei Dduw.

⁹ Mae'r llygredd yn mynd o ddrwg i waeth,

fel digwyddodd yn Gibea gynt. ^Ref

Bydd Duw yn delio gyda'u drygioni

ac yn eu cosbi am eu pechodau.

¹⁰ Roedd darganfod Israel

fel dod o hyd i rawnwin yn yr anialwch.

I mi, roedd dy hynafiaid

fel y ffrwyth cyntaf i dyfu ar goeden ffigys.

Ond dyma nhw'n cyrraedd Baal-peor,

a rhoi eu hunain i eilun cywilyddus^Croes –

cyn pen dim aethon nhw mor ffiaidd

â'r eilun roedden nhw'n ei addoli.

Y gosb i ddod

¹⁴ Rho iddyn nhw, ARGLWYDD –

Ond beth roi di iddyn nhw? –

Rho grothau sy'n erthylu, a bronnau wedi sychu!

¹⁵ “Am wneud yr holl ddrwg yn Gilgal, ^Ref

dw i'n eu casáu nhw.

Dw i'n mynd i'w gyrru nhw allan o'm tir

o achos eu holl ddrygioni.

Dw i ddim yn eu caru nhw bellach;

mae eu swyddogion i gyd mor ystyfnig.

¹⁶ Bydd pobl Effraim yn cael eu taro'n galed –

mae'r gwreiddyn wedi sychu;

a does dim ffrwyth yn tyfu.

A hyd yn oed petaen nhw'n cael plant,

byddwn i'n lladd eu babis bach del!”

¹⁷ Bydd fy Nuw yn eu gwrthod nhw

am beidio gwrando arno;

ac yn gwneud iddyn nhw grwydro

ar goll ymhlith y cenhedloedd!

I'r pen