Eseia

ESEIA 23

Cosbi Tyrus

Udwch, longau masnach Tarshish! ^Ref

Does dim porthladd i fynd adre iddo

– achos mae wedi'i ddryllio!

Cafodd y newyddion ei gyhoeddi o Cyprus.

² Galarwch, chi sy'n byw ar yr arfordir,

chi fasnachwyr Sidon.

Maen nhw wedi croesi'r môr i'w chyflenwi,

³ wedi croesi'r dyfroedd mawr

gyda had o Sihor a chynhaeaf afon Nîl;

dyna oedd ei henillion –

hi oedd marchnad y gwledydd.

⁴ Cywilydd arnat ti, Sidon,

achos mae'r môr – y gaer ddiogel honno – wedi dweud,

“Fi ydy'r un sydd heb ddiodde poenau wrth gael plant.

Dw i heb fagu bechgyn na merched ifanc!”

⁵ Pan fydd yr Aifft yn clywed am y peth

byddan nhw'n gwingo mewn poen

wrth glywed am Tyrus.

⁶ Croeswch drosodd i Tarshish –

udwch, chi sy'n byw ar yr arfordir!

⁷ Ai dyma'r ddinas gawsoch chi'r fath firi ynddi –

y ddinas sydd â hanes mor hen iddi?

Ai hon deithiodd mor bell i fasnachu?

⁸ Pwy drefnodd i hyn ddigwydd i Tyrus,

y ddinas oedd yn gwisgo coron,

a'i masnachwyr yn dywysogion

ac yn bobl mor bwysig?

⁹ Yr ARGLWYDD hollbwerus drefnodd y peth –

i ddirmygu ei balchder yn ei harddwch,

a chodi cywilydd ar y bobl bwysig i gyd.

¹⁰ Hwyliwch adre, bobl Tarshish,

i drin eich tir fel y rhai sy'n ffermio wrth afon Nîl;

does dim harbwr i chi yma bellach.

¹¹ Pan gododd yr ARGLWYDD ei law dros y môr

gwnaeth i deyrnasoedd grynu mewn ofn!

Yr ARGLWYDD roddodd orchymyn

i ddinistrio trefi caerog Canaan.

¹² Dwedodd, “Dyna ddigon o dy rialtwch,

ferch Sidon, sydd wedi'i gorthrymu.”

Dos! Cod, a chroesa drosodd i Cyprus,

ond fyddi di ddim yn cael llonydd yno chwaith!

¹³ Edrychwch ar wlad Babilonia –

y bobl sydd wedi peidio â bod!

Rhoddodd Asyria nhw i'r anifeiliaid gwyllt.

Codi tyrau i warchae arni,

ysbeilio'i phlastai a'i throi yn adfeilion.

¹⁴ Udwch, longau masnach Tarshish,

achos mae eich caer ddiogel wedi'i dinistrio!

¹⁶ Cymer delyn, crwydra'r ddinas,

butain a anghofiwyd;

Cân dy alaw unwaith eto,

i wneud i bobl gofio.

I'r pen