Eseia

ESEIA 3

Barn ar Jerwsalem a Jwda

Mae'r Meistr, yr ARGLWYDD hollbwerus

yn mynd i gymryd o Jerwsalem a Jwda

bopeth sy'n eu cynnal a'u cadw nhw:

bwyd a dŵr,

² arwyr a milwyr dewr;

barnwr a phroffwyd,

yr un sy'n dewino a'r arweinydd;

³ grŵp-gapten a swyddog,

strategydd a hudwr medrus,

a'r un sy'n sibrwd swynau.

⁴ Bydda i'n rhoi bechgyn i lywodraethu arnyn nhw,

a bwlis creulon i'w rheoli nhw.

⁵ Bydd y bobl yn gorthrymu ei gilydd –

un yn erbyn y llall.

Bydd pobl ifanc yn ymosod ar hen bobl,

a phobl gyffredin yn ymosod ar y bonheddig.

⁶ Bydd dyn yn gafael yn ei gyfaill

yn nhŷ ei dad, a dweud:

“Mae gen ti gôt –

bydd di'n feistr arnon ni.

Cei di wneud rhywbeth o'r llanast yma,”

⁷ Ond bydd y llall yn protestio, ac yn dweud,

“Alla i ddim gwella'ch briwiau chi;

does gen i ddim bwyd yn y tŷ

a does gen i ddim côt chwaith.

Peidiwch gwneud fi'n feistr arnoch chi!”

⁸ Mae Jerwsalem yn gwegian,

a Jwda wedi syrthio,

am ddweud a gwneud pethau

yn erbyn yr ARGLWYDD,

a herio'i fawredd.

⁹ Mae eu ffafriaeth wrth farnu^Croes yn tystio yn eu herbyn;

maen nhw'n arddangos eu pechod fel Sodom,

heb geisio cuddio dim!

Gwae nhw! Maen nhw wedi

dod â dinistr arnyn nhw eu hunain.

Bydd hi'n dda ar y rhai sy'n gwneud beth sy'n iawn;

byddan nhw'n cael bwyta ffrwyth eu gweithredoedd.

¹¹ Ond gwae y rhai sy'n gwneud drwg,

bydd pethau'n ddrwg arnyn nhw;

byddan nhw'n cael blas o'r hyn wnaethon nhw i bobl eraill.

¹² Bydd plant yn feistri ar fy mhobl,

a merched yn eu rheoli.

O fy mhobl,

mae dy arweinwyr yn dy gamarwain;

maen nhw wedi dy ddrysu.

Duw yn barnu

¹³ Mae'r ARGLWYDD yn sefyll i ddadlau ei achos,

mae'n codi ar ei draed i farnu'r bobloedd.

¹⁴ Mae'r ARGLWYDD yn dod â'r cyhuddiad yma

yn erbyn arweinwyr a thywysogion ei bobl:

“Chi ydy'r rhai sydd wedi dinistrio'r winllan! ^Ref

Mae'r hyn sydd wedi'i ddwyn oddi ar y tlawd

yn eich tai chi.

¹⁵ Sut allech chi feiddio sathru fy mhobl i,

a gorthrymu'r rhai tlawd?”

—meddai'r Meistr, yr ARGLWYDD hollbwerus.

Merched Jerwsalem

“Mae merched Seion mor falch,

yn dal eu pennau i fyny,

yn fflyrtian â'u llygaid

ac yn cerdded gyda chamau bach awgrymog,

a'u tlysau ar eu traed yn tincian wrth iddyn nhw fynd.”

¹⁷ Felly bydd y Meistr yn gwneud i rash

ddod ar bennau merched Seion.

Bydd yr ARGLWYDD yn siafio'u talcennau nhw.

yn lle persawr bydd pydredd;

yn lle'r rhwymyn bydd rhaff;

yn lle steil gwallt bydd moelni;

yn lle mantell wedi'i brodio bydd sachliain.

Ie, cywilydd yn lle harddwch.

²⁵ Bydd dy ddynion yn cael eu lladd â'r cleddyf,

a'th filwyr yn syrthio yn y frwydr.

²⁶ Bydd galaru wrth giatiau'r ddinas –

a hithau wedi'i gwagio

ac yn eistedd ar lawr.

I'r pen