Eseia

ESEIA 4

bydd saith o ferched yn gafael mewn un dyn,

ac yn dweud, “Gad i ni dy briodi di –

Gwnawn fwyta ein bwyd ein hunain,

a gwisgo'n dillad ein hunain.

Ond cymer ein cywilydd ni i ffwrdd!” ^Ref

Bydd yr ARGLWYDD yn bendithio'i bobl

bydd blaguryn yr ARGLWYDD

yn rhoi harddwch ac ysblander,

a bydd ffrwyth y tir

yn cynnig urddas a mawredd

i'r ychydig rai fydd ar ôl yn Israel.

³ Bydd y rhai sydd ar ôl yn Seion

ac wedi'u gadael yn Jerwsalem

yn cael eu galw'n sanctaidd –

pawb yn Jerwsalem sydd i fod i gael byw.

⁴ Pan fydd yr ARGLWYDD wedi glanhau

budreddi merched Seion,

bydd yn cael gwared ag euogrwydd Jerwsalem –

drwy farnu a charthu.

⁵ Bydd yr ARGLWYDD yn dod â chwmwl yn y dydd

a thân yn llosgi yn y nos,^Croes

a'u gosod uwchben y cysegr a'r man cyfarfod ar Fynydd Seion.

Yn wir, bydd ei ysblander yn hongian fel canopi dros bopeth.

⁶ Bydd fel caban i gysgodi rhag y gwres yn ystod y dydd,

ac yn lloches i gysgodi rhag y storm o law.

I'r pen