Jeremeia

JEREMEIA 47

Neges am drefi Philistia

“Edrychwch! Mae'r gelynion yn codi yn y gogledd^Croes fel afon ar fin gorlifo.

Byddan nhw'n dod fel llifogydd i orchuddio'r tir.

Byddan nhw'n dinistrio'r wlad a phopeth ynddi,

y trefi a phawb sy'n byw ynddyn nhw.

Bydd pobl yn gweiddi mewn dychryn,

a phopeth byw yn griddfan mewn poen.

³ Bydd sŵn y ceffylau'n carlamu,

y cerbydau'n clecian, a'r olwynion yn rymblan.

Bydd rhieni'n ffoi am eu bywydau

heb feddwl troi'n ôl i geisio achub eu plant

am fod arnyn nhw gymaint o ofn.

⁴ Mae'r diwrnod wedi dod i'r Philistiaid gael eu dinistrio,

a'r cynghreiriaid sydd ar ôl yn Tyrus a Sidon.

Ydw, dw i'r ARGLWYDD yn mynd i ddinistrio'r Philistiaid,

y bobl ddaeth drosodd o ynys Creta. ^Ref

⁵ Bydd pobl Gasa yn siafio'u pennau mewn galar,

a phobl Ashcelon yn cael eu taro'n fud.

Am faint ydych chi sydd ar ôl ar y gwastatir

yn mynd i ddal ati i dorri eich hunain â chyllyll?”

Y bobl:

⁶ “O! gleddyf yr ARGLWYDD,

am faint wyt ti'n mynd i ddal ati i ladd?

Dos yn ôl i'r wain!

Aros yno, a gorffwys!”

Jeremeia:

⁷ “Ond sut mae'n gallu gorffwys

pan mae'r ARGLWYDD wedi gorchymyn iddo?

Fe sydd wedi dweud wrtho am ymosod

ar dref Ashcelon a phobl yr arfordir.”

I'r pen