Micha

MICHA 3

Arweinwyr Jwda ar fai

“Gwrandwch, arweinwyr Jacob,

chi sy'n arwain pobl Israel. ^Ref

Dylech wybod beth ydy cyfiawnder!

² Ond dych chi'n casáu'r da

ac yn caru'r drwg!

Dych chi'n blingo fy mhobl yn fyw,

ac yn ymddwyn fel canibaliaid!

³ Dych chi'n bwyta cnawd fy mhobl,

yn eu blingo nhw'n fyw

a malu eu hesgyrn.

Torri eu cyrff yn ddarnau

fel cig i'w daflu i'r crochan.”

⁴ Ryw ddydd byddan nhw'n galw ar yr ARGLWYDD am help,

ond fydd e ddim yn ateb.

Bydd e'n troi ei gefn arnyn nhw bryd hynny

am eu bod wedi gwneud cymaint o ddrwg.

Yn erbyn y proffwydi

“Dych chi'n camarwain fy mhobl!

Dych chi'n addo heddwch am bryd o fwyd,

ond os na gewch chi'ch talu

dych chi'n bygwth rhyfel!

⁶ Felly bydd hi'n nos arnoch chi, heb weledigaeth –

byddwch yn y tywyllwch, yn gallu dehongli dim.

Bydd yr haul wedi machlud arnoch chi,

a'ch dydd wedi dod i ben!

⁷ Bydd cywilydd ar y proffwydi,

a bydd y dewiniaid wedi drysu.

Fyddan nhw'n dweud dim,

am fod Duw ddim yn ateb.”

⁸ Ond dw i, ar y llaw arall, yn llawn

o nerth Ysbryd yr ARGLWYDD

ac yn credu'n gryf mewn cyfiawnder.

Dw i'n herio Jacob am ei wrthryfel,

ac yn gwneud i Israel wynebu ei phechod.

Yn erbyn y sefydliad

⁹ Gwrandwch, arweinwyr Jacob,

chi sy'n arwain pobl Israel –

chi sy'n casáu cyfiawnder

ac yn gwyrdroi'r gwir.

¹⁰ Dych chi'n adeiladu Seion drwy drais,

a Jerwsalem drwy lygredd a thwyll.

¹¹ Mae'r barnwyr yn derbyn breib,^Croes

yr offeiriaid yn dysgu am elw,

a'r proffwydi'n dehongli am dâl –

tra'n honni pwyso ar yr ARGLWYDD!

“Mae'r ARGLWYDD gyda ni!” medden nhw.

“Does wir ddim dinistr i ddod!”

¹² Felly chi sydd ar fai!

Bydd Seion yn cael ei haredig fel cae,

a bydd Jerwsalem yn bentwr o gerrig.^Croes

Bydd y bryn ble mae'r deml yn sefyll

yn goedwig wedi tyfu'n wyllt.^Croes

I'r pen