Micha

MICHA 5

¹ Ar hyn o bryd rwyt ti'n torri dy hun â chyllyll^Croes

ti ddinas dan ymosodiad!

Mae'r gelyn yn gwarchae ^Ref arnon ni!

Maen nhw'n taro arweinydd Israel

ar y foch gyda theyrnwialen.

Y brenin sydd i ddod

² Ond wedyn ti, Bethlehem Effrata,^Croes

rwyt ti'n un o'r pentrefi

lleiaf pwysig yn Jwda.

Ond ohonot ti y daw un

fydd yn teyrnasu yn Israel –

Un sydd â'i wreiddiau yn mynd yn ôl

i'r dechrau yn y gorffennol pell.

³ Felly bydd yr ARGLWYDD

yn rhoi pobl Israel i'r gelyn,

hyd nes bydd yr un sy'n cael y babi

wedi geni'r plentyn.

Wedyn bydd gweddill ei deulu yn dod adre

at blant Israel.

⁴ Bydd yn codi i arwain ei bobl

fel bugail yn gofalu am ei braidd.

Bydd yn gwneud hyn yn nerth yr ARGLWYDD

a gydag awdurdod yr ARGLWYDD ei Dduw.

Byddan nhw yno i aros,

achos bydd e'n cael ei anrhydeddu

gan bawb i ben draw'r byd.

⁵ Bydd e'n dod â heddwch i ni.

Hyder ffals y bobl

“Os bydd Asyria'n ymosod ar ein tir

ac yn ceisio mynd i mewn i'n plastai,

bydd digon o arweinwyr i'w rhwystro!

⁶ Byddan nhw'n rheoli Asyria gyda'r cleddyf;

gwlad Nimrod ^Ref gyda llafnau parod!

Bydd ein brenin yn ein hachub

pan fydd Asyria'n ymosod ar ein gwlad,

ac yn ceisio croesi ein ffiniau.”

Yr ARGLWYDD yn cosbi ei bobl

⁷ Bydd pobl Jacob ^Ref sydd ar ôl

ar wasgar yng nghanol y bobloedd,

fel y gwlith mae'r ARGLWYDD yn ei anfon,

neu gawodydd o law ar laswellt –

sydd ddim yn dibynnu ar bobl

na disgwyl am eu caniatâd cyn dod.

⁸ Bydd pobl Jacob sydd ar ôl

yn byw yn y gwledydd,

ar wasgar yng nghanol y bobloedd.

Byddan nhw fel llew yng nghanol yr anifeiliaid gwyllt,

neu lew ifanc yng nghanol praidd o ddefaid –

yn rhydd i ladd a rhwygo

heb neb i'w stopio.

⁹ Byddi'n codi dy law i daro'r rhai sy'n dy erbyn,

a dinistrio dy elynion i gyd!

Yr ARGLWYDD yn puro'i bobl

¹⁰ “Bryd hynny,” meddai'r ARGLWYDD,

“bydda i'n cael gwared â'ch arfau i gyd –

y ceffylau a'r cerbydau rhyfel.^Croes

¹¹ Bydda i'n dinistrio trefi'r wlad

ac yn bwrw i lawr y caerau amddiffynnol.

¹² Bydda i'n stopio eich dewino a'ch swynion,

a fydd neb ar ôl i ddweud ffortiwn.

¹³ Bydda i'n dinistrio'ch delwau cerfiedig

a'ch colofnau cysegredig.

Fyddwch chi byth eto yn plygu

i addoli gwaith eich dwylo eich hunain.^Croes

¹⁴ Bydda i'n diwreiddio polion y dduwies Ashera, ^Ref

ac yn dinistrio'ch eilun-dduwiau.

¹⁵ Bydda i'n dial yn wyllt

ar y gwledydd sy'n gwrthod gwrando arna i.”

I'r pen