Yn ôl

Nehemeia

Llyfrau

Hafan

Hen Destament

Testament Newydd

NEHEMEIA 12

Rhestr o offeiriaid a Lefiaid

¹ Dyma'r offeiriaid a'r Lefiaid ddaeth yn ôl i Jerwsalem o Babilon gyda Serwbabel fab Shealtiel a Ieshŵa:^Croes

Offeiriaid:

Seraia, Jeremeia, Esra,
² Amareia, Malŵch, Chattwsh,
³ Shechaneia, Rechwm, Meremoth,
⁴ Ido, Gintoi, Abeia,
⁵ Miamin, Maadia, Bilga
⁶ Shemaia, Ioiarîf, Idaïa,
⁷ Salw, Amoc, Chilceia, ac Idaïa.

(Nhw oedd penaethiaid yr offeiriaid a'u cydweithwyr yng nghyfnod Ieshŵa.)

Lefiaid:

⁸ Ieshŵa, Binnŵi, Cadmiel, Sherefeia, Jwda, a Mataneia yn gyfrifol am y caneuon mawl.
⁹ Bacbwceia ac Wnni a'u cydweithwyr yn sefyll gyferbyn â nhw yn y gwasanaethau.

Disgynyddion Ieshŵa

¹⁰ Roedd Ieshŵa yn dad i Ioiacîm, Ioiacîm yn dad i Eliashif, Eliashif yn dad i Ioiada, ¹¹ Ioiada yn dad i Jonathan, a Jonathan yn dad i Iadwa.

Arweinwyr claniau'r offeiriaid

^12-21 Dyma'r offeiriaid oedd yn arweinwyr eu clan pan oedd Ioiacîm yn archoffeiriad:

Offeiriad	Clan
Meraia	– o glan Seraia
Chananeia	– o glan Jeremeia
Meshwlam	– o glan Esra
Iehochanan	– o glan Amareia
Jonathan	– o glan Malŵch
Joseff	– o glan Shefaneia
Adna	– o glan Charîm
Chelcai	– o glan Meraioth
Sechareia	– o glan Ido
Meshwlam	– o glan Ginnethon
Sichri	– o glan Abeia
… ^Ref	– o glan Miniamîn
Piltai	– o glan Moadeia
Shammwa	– o glan Bilga
Jonathan	– o glan Shemaia
Matenai	– o glan Ioiarîf
Wssi	– o glan Idaïa
Calai	– o glan Salw
Eber	– o glan Amoc
Chashafeia	– o glan Chilceia
Nethanel	– o glan Idaïa

Cofnod o glaniau yr offeiriaid a'r Lefiaid

²² Wedyn, fel yr offeiriaid, cafodd y Lefiaid oedd yn arweinwyr eu claniau nhw eu rhestru (o gyfnod yr archoffeiriaid Eliashif, Ioiada, Iochanan a Iadwa hyd deyrnasiad Dareius o Persia). ²³ Roedd cofrestr o'r Lefiaid oedd yn arweinwyr claniau hyd gyfnod Iochanan wedi'i gadw yn sgrôl y cofnodion hanesyddol.

²⁴ Arweinwyr y Lefiaid: Chashafeia, Sherefeia, Ieshŵa, Binnŵi, ^Ref a Cadmiel. Yna eu cydweithwyr oedd yn sefyll gyferbyn â nhw i foli a diolch i Dduw. (Roedd un côr yn wynebu y llall fel roedd Dafydd, dyn Duw, wedi dweud.)

²⁵ Yna Mataneia, Bacbwceia, Obadeia, Meshwlam, Talmon ac Accwf yn ofalwyr yn gwarchod y drysau i'r stordai wrth y giatiau. ²⁶ Roedd y rhain i gyd yn gweithio yn y cyfnod pan oedd Ioiacîm (mab Ieshŵa fab Iotsadac) yn archoffeiriad, Nehemeia yn llywodraethwr, ac Esra'r offeiriad yn arbenigwr yn y Gyfraith.

Cysegru Waliau Jerwsalem

²⁷ Pan oedd wal Jerwsalem yn cael ei chysegru, dyma'r Lefiaid o bobman yn cael eu galw i Jerwsalem i gymryd rhan yn y dathlu. Roedden nhw yno yn canu caneuon o ddiolch i gyfeiliant symbalau, nablau a thelynau. ²⁸ Roedd y cantorion wedi'u casglu hefyd, o'r ardal o gwmpas Jerwsalem a phentrefi Netoffa, ²⁹ Beth-gilgal, a'r wlad o gwmpas Geba ac Asmafeth. (Roedd y cantorion wedi codi pentrefi iddyn nhw'u hunain o gwmpas Jerwsalem.)

³⁰ Pan oedd yr offeiriaid a'r Lefiaid wedi mynd drwy'r ddefod o buro'u hunain, dyma nhw'n cysegru'r bobl, y giatiau, a'r wal.

³¹ Trefnais i arweinwyr Jwda sefyll ar dop y wal, a chael dau gôr i ganu mawl. Roedd un côr i arwain yr orymdaith ar y wal i gyfeiriad y de at Giât y Sbwriel. ³² Yn eu dilyn nhw roedd Hoshaia a hanner arweinwyr Jwda. ³³ Wedyn Asareia, Esra a Meshwlam, ³⁴ Jwda, Benjamin, Shemaia, a Jeremeia – ³⁵ offeiriaid gydag utgyrn. Yna'n olaf Sechareia fab Jonathan (mab Shemaia, mab Mataneia, mab Michaia, mab Saccwr, mab Asaff) ³⁶ a'i gyd-gerddorion – Shemaia, Asarel, Milalai, Gilalai, Maai, Nethanel, Jwda, a Chanani – gyda'r offerynnau cerdd oedd y brenin duwiol Dafydd wedi'u dewis. (Esra yr arbenigwr yn y Gyfraith oedd yn arwain y grŵp yma.) ³⁷ Dyma nhw'n mynd dros Giât y Ffynnon, yna yn syth ymlaen i fyny grisiau Dinas Dafydd, heibio ei balas ac at Giât y Dŵr sydd i'r dwyrain.

³⁸ Wedyn roedd yr ail gôr i fynd i'r cyfeiriad arall. Dyma fi'n eu dilyn nhw ar hyd y wal gyda hanner arall yr arweinwyr. Aethon ni heibio Tŵr y Poptai at y Wal Lydan, ³⁹ dros Giât Effraim, Giât Ieshana, Giât y Pysgod, Tŵr Chanan-el, a Tŵr y Cant, at Giât y Defaid, a stopio wrth Giât y Gwarchodwyr.

⁴⁰ Wedyn, dyma'r ddau gôr oedd yn canu mawl yn cymryd eu lle yn y deml. Dyma finnau yn gwneud yr un fath, a'r grŵp o arweinwyr oedd gyda fi, ⁴¹ a'r offeiriaid oedd yn canu utgyrn – Eliacim, Maaseia, Miniamîn, Michaia, Elioenai, Sechareia a Chananeia. ⁴² Hefyd Maaseia, Shemaia, Eleasar, Wssi, Iehochanan, Malcîa, Elam ac Eser. Yna dyma'r corau yn canu dan arweiniad Israchïa. ⁴³ Roedd yn ddiwrnod o ddathlu, a chafodd llawer iawn o aberthau eu cyflwyno. Roedd Duw wedi gwneud pawb mor hapus. Roedd y gwragedd a'r plant yno yn dathlu hefyd, ac roedd sŵn y dathlu yn Jerwsalem i'w glywed o bell.

Penodi dynion i gasglu'r cyfraniadau

⁴⁴ Y diwrnod hwnnw cafodd dynion eu penodi i ofalu am y stordai, lle byddai cyfraniadau'r bobl yn cael eu cadw – y ffrwythau cyntaf, a'r degymau. Dyna lle byddai cyfraniadau'r bobl i'r offeiriaid a'r Lefiaid yn cael eu casglu, yn ôl faint o gaeau oedd yn perthyn i bob pentref. Roedd pobl Jwda yn falch o'r offeiriaid a'r Lefiaid oedd yn gwasanaethu. ⁴⁵ Nhw, gyda'r cantorion a gofalwyr y giatiau, oedd yn arwain y defodau ac yn cynnal seremonïau'r puro, fel gwnaeth y Brenin Dafydd a'i fab Solomon orchymyn. ⁴⁶ Ers pan oedd y Brenin Dafydd ac Asaff yn fyw, roedd yna rai yn arwain y cantorion, a'r caneuon o fawl a diolch i Dduw. ⁴⁷ Felly yn amser Serwbabel a Nehemeia fel llywodraethwyr, roedd pobl Israel i gyd yn rhoi cyfran i'r cantorion a'r gofalwyr, fel roedd angen bob dydd. Roedden nhw hefyd yn cadw cyfran i'r Lefiaid, ac roedd y Lefiaid yn cadw cyfran i'r offeiriaid, disgynyddion Aaron.

I'r pen

Safle Llawn

Hawlfraint © Gobaith i Gymru 2025, ar ran y Golygydd (golygydd@beibl.net) Elusen Gofrestredig Rhif: 1078107 Diogelir pob hawl.

Mae'r project yn cael ei noddi eleni gan roddion gwirfoddol unigolion ac eglwysi,
Dylunio gan Mike Leach Creative. Gwesteir gan Zanity