Salmau

Salm 112

Y fendith sydd i'r person duwiol

Mae bendith fawr i'r un sy'n parchu'r ARGLWYDD

ac wrth ei fodd yn gwneud beth mae'n ei ddweud.

² Bydd ei ddisgynyddion yn llwyddiannus;

cenhedlaeth o bobl dduwiol yn cael eu bendithio.

³ Bydd e'n gyfoethog,

a bob amser yn byw'n gywir.

⁴ Mae golau yn disgleirio yn y tywyllwch i'r duwiol;

y sawl sy'n garedig, yn drugarog ac yn gwneud beth sy'n iawn.

⁵ Mae pethau'n mynd yn dda i'r un sy'n hael wrth fenthyg

ac yn rheoli ei fusnes yn gyfiawn.

⁶ Fydd dim byd yn tarfu arno;

bydd pobl yn cofio ei fod wedi byw'n gywir.

⁷ Does ganddo ddim ofn newyddion drwg;

mae e'n trystio'r ARGLWYDD yn llwyr.

⁸ Mae e'n dawel ei feddwl, ac yn ofni dim;

mae'n disgwyl gweld ei elynion yn syrthio yn y diwedd.

⁹ Mae e'n rhannu ac yn rhoi yn hael i'r tlodion;

bydd pobl yn cofio ei haelioni bob amser.

Bydd yn llwyddo ac yn cael ei anrhydeddu.

¹⁰ Bydd pobl ddrwg yn gwylltio pan welan nhw hyn.

Byddan nhw'n ysgyrnygu eu dannedd, ac yn colli pob hyder,

am fod eu gobeithion nhw wedi diflannu.

I'r pen