Salmau

Salm 12

Gweddi am help

¹ Help, ARGLWYDD!

Does neb ffyddlon ar ôl!

Mae'r rhai sy'n driw wedi diflannu.

² Mae pawb yn dweud celwydd wrth ei gilydd;

maen nhw'n seboni ond yn ddauwynebog.

³ Boed i'r ARGLWYDD roi stop ar eu geiriau ffals,

a rhoi taw ar bob tafod sy'n brolio!

⁴ “Gallwn wneud unrhyw beth!” medden nhw.

“Gallwn ddweud beth leiciwn ni!

Dŷn ni'n atebol i neb!”

⁵ Ond meddai'r ARGLWYDD:

“Am fod yr anghenus yn dioddef trais,

a'r tlawd yn griddfan mewn poen,

dw i'n mynd i weithredu.

Bydda i'n ei gadw'n saff;

ie, dyna mae'n dyheu amdano.”

⁶ Mae geiriau'r ARGLWYDD yn wir.

Maen nhw fel arian wedi ei buro mewn ffwrnais bridd,

neu aur wedi ei goethi'n drwyadl.

⁷ Byddi'n gofalu amdanon ni, ARGLWYDD,

Byddwn ni'n saff o afael y genhedlaeth ddrwg yma

⁸ sy'n cerdded o gwmpas yn falch,

a phobl yn canmol y pethau ofnadwy maen nhw'n eu gwneud!

I'r pen