Salmau

Salm 149

Emyn o fawl

Canwch gân newydd i'r ARGLWYDD,

Rhowch foliant iddo yn y gynulleidfa o'i bobl ffyddlon.

² Boed i Israel lawenhau yn ei Chrëwr!

Boed i blant Seion gael eu gwefreiddio gan eu Brenin!

³ Boed iddyn nhw ei addoli gyda dawns;

ac ar y drwm a'r delyn fach.

⁴ Achos mae'r ARGLWYDD wrth ei fodd gyda'i bobl!

Mae'n gwisgo'r rhai sy'n cael eu gorthrymu gyda buddugoliaeth.

⁵ Boed i'r rhai sydd wedi profi ei gariad ffyddlon ddathlu;

a gweiddi'n llawen wrth orffwys ar eu clustogau.

⁶ Canu mawl i Dduw

gyda chleddyfau miniog yn eu dwylo,

⁷ yn barod i gosbi'r cenhedloedd,

a dial ar y bobloedd.

⁸ Gan rwymo eu brenhinoedd â chadwyni,

a'u pobl bwysig mewn hualau haearn.

⁹ Dyma'r ddedfryd gafodd ei chyhoeddi arnyn nhw;

a'r fraint fydd i'r rhai sydd wedi profi ei gariad ffyddlon.

Haleliwia!

I'r pen