Salmau

Salm 20

Bydd Duw yn achub y brenin

¹ Boed i'r ARGLWYDD dy ateb pan wyt mewn trafferthion;

boed i Dduw Jacob dy gadw di'n saff.

² Boed iddo anfon help o'r cysegr,

a rhoi nerth i ti o Seion.

³ Boed iddo gofio dy holl offrymau,

a derbyn dy offrymau sydd i'w llosgi.

Saib

⁴ Boed iddo roi i ti beth wyt ti eisiau,

a dod â dy gynlluniau di i gyd yn wir.

⁵ Wedyn byddwn yn bloeddio'n llawen am dy fod wedi ennill y frwydr!

Byddwn yn codi baner i enw ein Duw.

Boed i'r ARGLWYDD roi i ti bopeth wyt ti'n gofyn amdano!

⁶ Dw i'n gwybod y bydd yr ARGLWYDD

yn achub ei eneiniog, y brenin.

Bydd yn ei ateb o'r cysegr yn y nefoedd

ac yn rhoi buddugoliaeth ryfeddol iddo, trwy ei nerth.

⁷ Mae rhai yn brolio yn eu cerbydau rhyfel a'u meirch,

ond dŷn ni'n brolio'r ARGLWYDD ein Duw.

⁸ Byddan nhw'n syrthio ar lawr,

ond byddwn ni'n sefyll yn gadarn.

⁹ Bydd yr ARGLWYDD yn achub y brenin.

Bydd yn ateb pan fyddwn ni'n galw arno.

I'r pen