Salmau

Salm 47

Y Brenin sy'n rheoli popeth

¹ Holl bobloedd y byd, curwch ddwylo!

Gwaeddwch yn llawen wrth addoli Duw!

² Mae'r ARGLWYDD Goruchaf yn Dduw i'w ryfeddu,

ac yn Frenin mawr dros y byd i gyd.

³ Mae'n gwneud i bobloedd ymostwng i ni;

ni sy'n eu rheoli nhw.

⁴ Dewisodd dir yn etifeddiaeth i ni —

tir i Jacob, y bobl mae wedi eu caru, ymfalchïo ynddo.

Saib

⁵ Mae Duw wedi esgyn i'w orsedd, a'r dyrfa'n gweiddi'n llawen.

Aeth yr ARGLWYDD i fyny, a'r corn hwrdd ^Ref yn seinio!

⁶ Canwch fawl i Dduw, canwch!

Canwch fawl i'n brenin ni, canwch!

⁷ Ydy, mae Duw yn frenin dros y byd i gyd;

Canwch gân hyfryd iddo!

⁸ Mae Duw yn teyrnasu dros y cenhedloedd!

Mae e'n eistedd ar ei orsedd sanctaidd!

⁹ Mae tywysogion y bobloedd wedi ymgasglu

gyda phobl Duw Abraham.

Mae awdurdod Duw dros lywodraethwyr ^Ref y byd;

Mae e ymhell uwch eu pennau nhw i gyd!

I'r pen