Sechareia

Hafan

Hen Destament

Testament Newydd

SECHAREIA 13

¹ “Bryd hynny bydd ffynnon wedi'i hagor bob amser i deulu brenhinol Dafydd a phobl Jerwsalem, i'w glanhau o bechod ac aflendid.”

Cael gwared ag eilun-dduwiau a phroffwydi ffals

² “Bryd hynny hefyd,”—meddai'r ARGLWYDD hollbwerus—“dw i'n mynd i gael gwared â'r eilunod o'r tir. Fydd neb yn cofio eu henwau nhw hyd yn oed.^Croes A bydda i hefyd yn cael gwared â'r proffwydi ffals a'r ysbrydion aflan o'r tir. ³ Wedyn os bydd rhywun yn proffwydo, bydd ei dad a'i fam yn dweud wrtho, ‘Rhaid i ti farw! Ti'n honni siarad ar ran yr ARGLWYDD, ond yn proffwydo celwydd!’^Croes A bydd ei dad a'i fam yn ei drywanu i farwolaeth.^Croes

⁴ “Bryd hynny bydd gan broffwyd gywilydd o'i weledigaethau, a bydd yn ceisio cuddio'r gwir drwy stopio gwisgo clogyn blewog proffwydi. ⁵ Bydd yn gwadu popeth a dweud, ‘Fi? Dw i ddim yn broffwyd. Dw i wedi bod yn gweithio fel gwas ar y tir es pan oeddwn i'n ifanc.’ ⁶ Yna bydd rhywun yn gofyn iddo, ‘Felly, beth ydy'r creithiau ^Ref yna ar dy frest di?’ A bydd yn ateb, ‘Ces fy anafu yn nhŷ ffrindiau.’”

Y Bugail a'r defaid

⁷ Dyma mae'r ARGLWYDD hollbwerus yn ei ddweud:

“Deffra gleddyf! Ymosod ar fy mugail,

y dyn sy'n agos ata i.

Taro'r bugail,

a bydd y praidd yn mynd ar chwâl.

Bydda i'n taro'r rhai bach hefyd.

⁸ Dyna fydd yn digwydd drwy'r wlad i gyd,”

—yr ARGLWYDD sy'n dweud hyn.

“Bydd dwy ran o dair yn cael eu lladd,

gan adael un rhan o dair ar ôl.

⁹ A bydda i'n arwain y rheiny drwy dân,

i'w puro fel mae arian yn cael ei buro,

a'u profi fel mae aur yn cael ei brofi.

Byddan nhw'n galw ar fy enw i,

a bydda i'n ateb.

Bydda i'n dweud, ‘Fy mhobl i ydy'r rhain,’

a byddan nhw'n dweud, ‘Yr ARGLWYDD ydy ein Duw ni.’”

I'r pen

Safle Llawn

Hawlfraint © Gobaith i Gymru 2025, ar ran y Golygydd (golygydd@beibl.net) Elusen Gofrestredig Rhif: 1078107 Diogelir pob hawl.

Mae'r project yn cael ei noddi eleni gan roddion gwirfoddol unigolion ac eglwysi,
Dylunio gan Mike Leach Creative. Gwesteir gan Zanity