Job

JOB 40

² “Ydy'r un sy'n dadlau gyda'r Hollalluog am ddal i'w gywiro?

Beth am i ti sy'n beirniadu Duw roi ateb i mi!”

⁴ “Mae'n wir, dw i'n neb. Beth alla i ddweud?

Dw i'n mynd i gadw'n dawel.

⁵ Dw i wedi siarad gormod, ac alla i ddim ateb eto.

Dw i am ddweud dim mwy.”

⁷ “Torcha dy lewys fel dyn!

Fi fydd yn gofyn y cwestiynau, a gei di ateb.

⁸ Wyt ti'n gwadu fy mod i'n Dduw cyfiawn?

Wyt ti'n fy nghondemnio i er mwyn profi mai ti sy'n iawn?

⁹ Wyt ti mor gryf ag ydw i?

Ydy dy lais di'n gallu taranu fel fy llais i?

¹⁰ Os felly, addurna dy hun ag anrhydedd a mawrhydi.

Gwisga dy hun ag ysblander ac urddas.

¹¹ Dangos i bawb mor ddig wyt ti;

dos ar ôl y bobl falch, a'u rhoi nhw yn eu lle.

¹² Dos ar ôl y bobl falch, a'u cywilyddio nhw;

sathra'r rhai drwg yn y fan a'r lle!

¹³ Cladda nhw yn y llwch,

a'u cloi nhw yn y bedd.

¹⁴ Gwna i gyfaddef wedyn

dy fod ti'n ddigon cryf i achub dy hun!

¹⁵ Edrych ar y Behemoth, a greais i fel y creais i ti;

mae e'n bwyta glaswellt fel ych.

¹⁶ Edrych mor gryf ydy ei gluniau,

ac ar gryfder cyhyrau ei fol.

¹⁷ Mae'n codi ei gynffon fel coeden dal;

mae gewynnau ei gluniau wedi'u gweu i'w gilydd.

¹⁸ Mae ei esgyrn fel pibellau pres,

a'i goesau fel barrau haearn.

¹⁹ Dyma'r creadur cryfaf a greodd Duw;

dim ond ei Grëwr all dynnu'r cleddyf a'i ladd.

²⁰ Y bryniau sy'n rhoi bwyd iddo,

lle mae'r holl anifeiliaid gwyllt eraill yn chwarae.

²¹ Mae'n mynd i orwedd dan y llwyn deiliog,

o'r golwg yng nghanol brwyn y gors.

²² Mae'r llwyn yn ei guddio dan ei gysgod,

a'r coed helyg sydd o'i gwmpas ger y nant.

²³ Dydy e ddim yn dychryn pan mae'r afon wedi chwyddo;

mae'n ddigyffro wrth i ddŵr yr Iorddonen ruthro drosto.

²⁴ All unrhyw un ei ddal tra mae'n gwylio,

neu wthio bachyn drwy ei drwyn?

I'r pen